ವರದಿ /ಬರಹ: ಎಂ. ಕೃಷ್ಣಪ್ರಸಾದ್ ಭಟ್ ಮದ್ದಡ್ಕ
ಇಂದಿನ ಡಿಜಿಟಲ್ ಜಗತ್ತಿನಲ್ಲಿ ನಾವೆಲ್ಲರೂ ದಿನನಿತ್ಯ ಬಳಸುವ ಪ್ರಮುಖ ಆ್ಯಪ್ ಎಂದರೆ ಅದು ವಾಟ್ಸಾಪ್. ಆದರೆ ಇದರಲ್ಲಿ ಇಷ್ಟು ದಿನ ಒಂದು ದೊಡ್ಡ ಕೊರತೆಯಿತ್ತು. ಯಾರೊಂದಿಗಾದರೂ ಚಾಟ್ ಮಾಡಬೇಕಾದರೆ ನಮ್ಮ ವೈಯಕ್ತಿಕ ಫೋನ್ ನಂಬರ್ ನೀಡಲೇಬೇಕಾಗಿತ್ತು. ಇದರಿಂದ ವಿಶೇಷವಾಗಿ ಮಹಿಳೆಯರಿಗೆ ಹಾಗೂ ಕಚೇರಿಯ ಕೆಲಸಗಳಿಗಾಗಿ ಅಪರಿಚಿತರನ್ನು ಸಂಪರ್ಕಿಸುವಾಗ ಪ್ರೈವೆಸಿ ಸಮಸ್ಯೆ ಎದುರಾಗುತ್ತಿತ್ತು.
ಆದರೆ ಈಗ ವಾಟ್ಸಾಪ್ ಇದಕ್ಕೆ ಸೂಕ್ತ ಪರಿಹಾರ ತಂದಿದ್ದು, ಬಳಕೆದಾರರ ಸುರಕ್ಷತೆಯನ್ನು ಹೆಚ್ಚಿಸಲು ‘ಯೂಸರ್ನೇಮ್’ ಎಂಬ ಅದ್ಭುತ ಫೀಚರ್ ಅನ್ನು ಪರಿಚಯಿಸುತ್ತಿದೆ.ನಾವು ಇನ್ಸ್ಟಾಗ್ರಾಮ್ ಅಥವಾ ಎಕ್ಸ್ ಖಾತೆಗಳಲ್ಲಿ ಪ್ರತ್ಯೇಕವಾಗಿ ಒಂದು ಹೆಸರನ್ನು ಇಟ್ಟುಕೊಳ್ಳುವಂತೆ, ಇನ್ಮುಂದೆ ವಾಟ್ಸಾಪ್ನಲ್ಲೂ ನಮಗೊಂದು ಯೂಸರ್ನೇಮ್ ಕ್ರಿಯೇಟ್ ಮಾಡಿಕೊಳ್ಳಬಹುದು.ಯಾರಾದರೂ
ಯಾರಾದರೂ ನಿಮ್ಮೊಂದಿಗೆ ವಾಟ್ಸಾಪ್ನಲ್ಲಿ ಮಾತನಾಡಬೇಕಾದರೆ, ನೀವು ಅವರಿಗೆ ಫೋನ್ ನಂಬರ್ ಕೊಡುವ ಅಗತ್ಯವಿಲ್ಲ, ಕೇವಲ ನಿಮ್ಮ ‘ಯೂಸರ್ನೇಮ್’ ನೀಡಿದರೆ ಸಾಕು.ಇದರಿಂದ ಅಪರಿಚಿತರಿಗೆ ಅಥವಾ ವ್ಯಾಪಾರ-ವ್ಯವಹಾರದ ಕಾರಣಕ್ಕಾಗಿ ಸಿಗುವವರಿಗೆ ನಿಮ್ಮ ವೈಯಕ್ತಿಕ ನಂಬರ್ ನೀಡದೆ ಪ್ರೈವೆಸಿ ಕಾಯ್ದುಕೊಳ್ಳಬಹುದು. ಪ್ರತಿಯೊಂದು ಯೂಸರ್ನೇಮ್ ಕೂಡ ವಿಶಿಷ್ಟವಾಗಿರುವುದರಿಂದ ನಿಮ್ಮ ಹೆಸರಿನಲ್ಲಿ ಬೇರೆಯವರು ನಕಲಿ ಪ್ರೊಫೈಲ್ ಮಾಡುವುದು ಕಷ್ಟವಾಗುತ್ತದೆ.
ಅಷ್ಟೇ ಅಲ್ಲದೆ, ಯಾರಾದರೂ ನಿಮಗೆ ಮೊದಲ ಬಾರಿ ಮೆಸೇಜ್ ಮಾಡಬೇಕಾದರೆ ನೀವು ಸೆಟ್ ಮಾಡಿರುವ 4 ಅಂಕಿಯ ಪಿನ್ ಕೋಡ್ ಅನ್ನು ನಮೂದಿಸಬೇಕಾಗುತ್ತದೆ. ಇದರಿಂದ ಅನಗತ್ಯ ಸ್ಪ್ಯಾಮ್ ಮೆಸೇಜ್ಗಳಿಂದ ಸಂಪೂರ್ಣ ಮುಕ್ತಿ ಸಿಗುತ್ತದೆ.ಈ ಫೀಚರ್ ಸದ್ಯದಲ್ಲೇ ನಿಮ್ಮ ಮೊಬೈಲ್ನ ವಾಟ್ಸಾಪ್ ಆ್ಯಪ್ನಲ್ಲಿ ಹಂತಹಂತವಾಗಿ ಲಭ್ಯವಾಗಲಿದೆ.ಇದನ್ನು
ಇದನ್ನು ಆಕ್ಟಿವೇಟ್ ಮಾಡಲು ಮೊದಲು ವಾಟ್ಸಾಪ್ ಸೆಟ್ಟಿಂಗ್ಸ್ ಆಪ್ಷನ್ಗೆ ಹೋಗಿ ಪ್ರೊಫೈಲ್ ಮೇಲೆ ಕ್ಲಿಕ್ ಮಾಡಬೇಕು. ಅಲ್ಲಿ ನಿಮಗೆ ‘Choose a Username’ ಎಂಬ ಆಯ್ಕೆ ಕಾಣಿಸುತ್ತದೆ. ಅದರಲ್ಲಿ ನಿಮಗೆ ಇಷ್ಟವಾದ ಮತ್ತು ಲಭ್ಯವಿರುವ ಹೆಸರನ್ನು ಟೈಪ್ ಮಾಡಿ ಸೇವ್ ಮಾಡಬಹುದು. ನಿಮ್ಮ ಕಾಂಟ್ಯಾಕ್ಟ್ ಲಿಸ್ಟ್ನಲ್ಲಿರುವ ಹಳೆಯ ಸ್ನೇಹಿತರಿಗೆ ಎಂದಿನಂತೆ ನಿಮ್ಮ ನಂಬರ್ ಕಾಣಿಸುತ್ತದೆ, ಆದರೆ ಹೊಸಬರಿಗೆ ನೀವು ಯೂಸರ್ನೇಮ್ ಮೂಲಕ ಮಾತ್ರ ಸಂಪರ್ಕಕ್ಕೆ ಸಿಗುತ್ತೀರಿ.ಮಾಹಿತಿ ಇಷ್ಟವಾಗಿದ್ದರೆ ನಿಮ್ಮ ಆಪ್ತರಿಗೂ ಶೇರ್ ಮಾಡಿ, ಅವರ ಪ್ರೈವೆಸಿ ಕಾಪಾಡಲು ನೆರವಾಗಿ!
